Mbouŋ To Yes Israela 61:5-8

⁵Maaron, saveeŋ tau nambua tomani ghom na, yo ulooŋa wa. Yes tau tiroi payo ve titaghon ŋgar tsio na, yo ughamgham gabua popoia pazi imin lezi motot. Gabua tawe, yo ugham payau paam.

⁶O Maaron, useeŋ saawe to kinik tsiei. Nighe i ileep tauvene taghon taghon gha ila.

⁷Nighe i ileep ila niia to ghamuuŋ pooz ila naghom, ve igham pooz irau saawe. Yo lolom isaghav tamtamon tsio ariaaŋ ve uluul zi. Ve saawe isov, utataghon saveeŋ mbuaaŋ tsio. Tauvene matam pa kinik tsiei, ve uŋgini ileep poi.

⁸Isaav ighe yo ugham tauvene, yau aat nambou to napait ezam irau saawe. Ve mataaz ta naol ne, yau pale nagham uratoi saveeŋ tau nambua tomani ghom na, leso anooŋa ivot.