Mbouŋ to Yes Israela 4:1-5

¹O Maaron, you nataŋ roran ghom. Lolom isamin ghou, ve ulooŋ suŋuuŋ tiou. Pasa, pataŋani igham ghou ve leg ataam maau. Upas ghou navot pa pataŋani tonene. Leso upaghazoŋan ghou ila tamtoghon matadi ughaze ŋgar tiou deŋia ila matam.

²Oyai, yam to atatan ghou ve awaghamun izag, ŋeez o apul ŋgar tiam tonanan? Yam aghur lolomim pa ŋgar soroksorok to le anoŋa maau, ve ataghon ŋgar kaarom. Ŋeez o apuli?

³Yam awatag: Yes to lolodi ineep tuŋia ila to Yoova ve titaghon ataam toni, ye isia di tinim le wa. Tovenen sawa to you nataŋ rorani, ye pale ighur taliŋa payou.

⁴Amatughez pa Maaron, ve agham sosor muul malep. Sawa to yam aneep ila inamim to ghenooŋ, neneeŋamim, ve matamim iŋgal taumim ve agham ŋgar pooi pa saveeŋ tonene.

⁵Anumeer Yoova ve agham watooŋrau pani toman lolomim. Leso watooŋrau tiam deŋia ila mata.