4Iit siŋ to Yakop, Yoova loolo igheen toit kat. Tauta irav motin taan sirivu, ve igham pait imin leen motot. Iit tintiniin ve tapakur ghiit pa taan tau i igham pait.
5Maaron izala niia to ghamuuŋ pooz ve ileep ta sewe. Tauvene tavuur itaŋtaŋ, ve tamtamon tisirsir toman lolozi poia.
6Ambou, ambou! Ambou ve apakur Maaron! Ambou ve apait kinik toit eeza!
7Pa Maaron, i kinik tiina. Tamtamon tisov to taan tileep ila i saamba. Tauvene ambou mbouŋ to apakuru!
8Maaron ileep ila niia patabuyaaŋ to ghamuuŋ pooz, ve iŋginŋgin nughmariŋ. Tamtamon tisov tileep ila i saamba.
9Daaba to nugh nugh tilup tomania iit tau tabesbees pa Maaron to Abaram na, ve itiŋa tapait eeza. Pasaa, pooza tisov to taan tileep ila i niima. Tapait eeza izala le izala kat.