7Pasa, yom lolom pa ŋgar deŋia, ve ughurghur koi pa ŋgar samia. Tovenen Maaron tiom ipakur ghom le ulib pa nditam pida, ve iliŋ ŋgoreeŋ izala poghom pa ighur ghom unum kinik. Tauto igham ghom lolom poia le poia kat.
8Nonogiiŋa tiom, tighur naunauŋ vuzi popoia naol ila. Ruum tiom, tipambooda pa mbeb popoia to tigharaat di pa mbeb ndoŋadi. Yes to rabuuŋ gita ve mbeb pida to aliŋadi popoia ne, tineep toman ghom ila ruum tiom lolo, ve mbouŋ todi igham ghom lolom poia kat.
9Ndiliva to ledi izadi tinim tineep toman ghom ila ruum tiom paam. Ve todi pida, nene kinik ndinatudi liva. Liva paghu to iyoon ila pa nimam waan ve ughaze uvaii, ye garawaat tidi. Ye itiktiik tau pa mbeb popoia le paghuna kat. Mbeb tonowen, tigharaat di pa gol poia kat to inim pa taan suruvu to Opir.
10Natug liva, yom ughaze uvai kinik. Tovenen ughur poian taliŋam, ve ulooŋ aliŋag tonene. Ugham ŋgar pa tamtoghon tiom ve siŋ tiom muul malep.
11Yom paghunam kat. Pale usad kinik ate. Ye to inim tiina tiom. Tovenen yom irau ulooŋ aliŋa, ve uneep ila samba.
Mbouŋ to Yes Israela 45
Mbouŋ to Yes Israela 45:7-11