Mbouŋ to Yes Israela 40:7-10

⁷Tauto nasaav payom naghaze: “Maaron, taug nene. Nataghon saveeŋ to timbooda iŋarua ghou ila rau tiom, tauto nanim.”

⁸Maaron tiou, ighaze nataghon katin lolom, nene igham lolog poia kat. Pasa, tutuuŋ to yom ugham payei, nene ineep ariaŋa ila lolog.

⁹Yoova, yom uwatag: Ulaaŋ to ugham payei, you neneeŋag pani maau. Sawa to ival tiina tilup di pa suŋuuŋ, you nasasavia varum padi.

¹⁰Onoon kat, ulaaŋ ve ŋgar deŋia to upatooŋa payou, you naŋgooza ineep to taug moghon maau. Ve gabuam to lolom ineep tuŋia ila to tamtoghon tiom ve uluul di, nene paam, naŋgooza pa tamtoghon tiom maau. Sawa to tilup di pa suŋuuŋ, you nasasavia gabuam tonenen padi. Ŋgar tiom to uluul tamtoghon itaghon saveeŋ mbuaaŋ tiom, nene navovotia padi.