Mbouŋ To Yes Israela 26:9-12

⁹Yes tau tisosor pa eez tsio na, upasov ghau tomani zi sov. Ve yes tau tiliŋliŋ siŋ pa tamtamon na, urav ghau namaat tomani zi sov.

¹⁰Zeran tauvene, nimazi igharghaar pa ghamuuŋ ŋgar sasaghati naol. Ve isaav ighe tighol zi to tigham ŋgar saghati eta, ene aat tiyok mon ve tighamu.

¹¹Eemon laghooŋ tsiau, yau nataghon ŋgar duduuŋa mon. O Yoova, yau besooŋa tsio. Lolom isaghatin ghau ve ugham mulin ghau.

¹²Yau nayooz tuŋia ila taan duduuŋa. Irau natap mako. Tauvene saawe tau tamtamon tsio tilup zi pa suŋuuŋ, yau aat nala tomani zi, ve napait ghom pa poia tsio.