1Taan toman mbeb tisob to tineep ila, nene to Yoova. Ndug tisob toman tamtoghon to tineep ila, nene toni moghon.
2Pasa, ye to ighur taan ipot izala te pogho. Ve ipariaaŋ taan pughu ineep tuŋia izila te lolo to sila kat we.
3Sei irau izala lolooz to Yoova ve isuŋ pani? Ve sei irau ilooŋ ila rumai toni patabuaŋ, ve iyoon ila mata?
4Tamtoghon tovene: Ye igham sosor eta maau. Ve ŋgar isob to ineep ila lolo, nene ŋgalaaŋa moghon. Ye ipait maaron kaaromŋa maau, ve iwaat Maaron iza sorok pa ipalot saveeŋ kaarom maau.
5Tamtoghon tovene, poia to Yoova pale iza toni. Maaron to Volaaŋa toni ne, pale igham mulini ve ineep pooi, ve ipatooŋa ighaze ye ŋgeu deŋia.