7O Yoova, ulooŋ suŋuuŋ tsiau tane, ve uul ghau rekia. Pasaa, lolog ipataŋan, ve tapirig isov kat. Uŋgooz naghom payau sov. Matam ilam payau lak! Mako pale namaat ve nala naleep ila mateegha nugh toozi.
8Yoova, yau nanumeer ghom. Yau naghe mboŋoozo nalooŋ ghom usaav payau ughe: “Yau lolog isaghav ghom.” Ve naghe taum utotoi ghau pa eez tau ughe nataghoni. Pasaa, yau lolog payo, ve naghur matag payo to uul ghau.
9Yoova, yau nayooŋ ilat tsio, leso naleep poi. Ugham mulin ghau ila koiagŋa nimazi.
10Yo mon ta Maaron tsiau. Upaduduuŋ ghau, leso nataghon duduŋai ŋgar tau yo lolom pani. Avuvum poia pale igham pooz payau. Leso laghooŋ tsiau itaghon eez duduuŋa.
11Yoova, yo ezam tiina pa poia tsio. Tauvene uul ghau to naleep matag yaryaare. Utaghon ŋgar tsio duduuŋa, ve upas ghau navot pa pataŋani tane.