1Yoova, yom uŋgabiiz poian lolog, ve uwatag katin ghou.
2Ighaze mboleg izi ve ateg izi, ma namundig nala pa uraat, yom uwatag ghou wa. Ighaze you naneep mala payom, yom uwatag ŋgar tiou isob. Pasa, yom matam mala.
3Sawa to nalaagh nala pa ndug eta, ma naghaze nazi nagheen, yom ughita ghou, ve uŋgagabiiz ghou. Tovenen ŋgar naol to naghamgham di, yom uwatag di tisob.
4Yoova, saveeŋ to inepneep ila lolog ve nasavia ivot sone, nene paam, yom uwatagi wa.
5Yom umuŋmuuŋ payou, ve ulaghlaagh muri payou. Ve nimam ikiskis ghou, ve ipapalot ghou.
6You nagham ŋgar pa ŋgar tiom tonanan, le naraua maau. Pasa, ŋgar tiom, nene ite kat. Ilib payou kat.
7Ighaze you naghau payom, pale nala sine? Irau nayooŋ pa matam maau.