Mbouŋ to Yes Israela 129:1-6

¹“Sawa to pain ghou ve inim, koiagŋa tighurghur pataŋani naol payou.” Yam ival tiina to Israel, yam eŋaeŋa asob asaav tovene:

²“Onoon kat. Sawa to pain ghou ve inim, koiagŋa tighurghur pataŋani naol payou. Eemoghon titatan ghou maau.

³Yes tiloslos ghou le ndimog imburmburtaaŋ. Tiwaghamun ghou le ndimog inimale taan to tigheli pa vazogiiŋ aniiŋ.”

⁴Eemoghon Yoova ŋgar toni, nene deŋia moghon. Tauto igham mulin ghou ila ndiran samsamia tonowen nimadi, ve nanim mbesooŋa sorok padi muul maau.

⁵Tamtoghon tisob to tighurghur koi pa ndug Zion, Yoova pale ipamuul di tila toman mayadi.

⁶Yes pale tinimale kikiliiŋ to itub izala ruum pogho. Itub iza tiina sone, ve igorgor. Kikiliiŋ tovene, tamtoghon irau tilupi ve tipoosa inimale tighamgham pa aniiŋ wit ne maau. Tipuli izi ineeple.