Mbouŋ to Yes Israela 119:69-72

⁶⁹Yes to tipapait taudi ve tiveleg ghom, tiŋgal saveeŋ kaarom payou, ve tiwaghamun izag. Eemoghon matag kisin tutuuŋ to yom ughur di, ve nataghon di toman lolog.

⁷⁰Ndiran tonowen ledi ghilalooŋ rita maau. Eemoghon you, saveeŋ tiom igham lolog poia le poia kat.

⁷¹Pataŋani to muuŋ igham ghou, nene poia. Pasa, ipasaluŋgan ghou, ve ipamundigin ŋgar tiou pa tutuuŋ tiom naol to tineep pataghaaŋ.

⁷²Saveeŋ to ivot ila avom, you naghita inimale mbeb tau. Ilib pa yaam silva ve gol ndiŋndiŋ ndiŋndiŋ.