Mbouŋ to Yes Israela 119:45-48

⁴⁵Tutuuŋ to yom ughur di, you nazuaria ghou pa nataghon di. Tovenen mbeb eta irau ipoon ataam payou maau.

⁴⁶Ataam to yom ughuri payei, you pale navotia ila yes kinik matadi paam. Pasa, you namatughez, ma mayag pa tamtoghon eta maau.

⁴⁷Tutuuŋ tiom to naol ne, tigham lolog poia le poia kat. Tauto lolog padi kat.

⁴⁸You lolog pa tutuuŋ tiom to naol ne ve napatab padi. Tovenen nakaak nimag, ve napait ghom pa tutuuŋ tiom. Tutuuŋ tiom naol to tineep pataghaaŋ, matag itaghon di naghaze nagham ŋgar padi pooi.