Mboe 9:16-18

¹⁶Mbulu tana iswe Yooba mburaana. Pa ni ta iur kadoono pa wal sananŋan tana, mi mbulu ta tisombe tipasaana zin tomtom pa i, na imiili mini pa zitun.

¹⁷Tana zin wal sananŋan ko timiili ma tisula mini toono. Karkari boozomen ta so matan mbeleele Anutu, nako tisula Andewa.

¹⁸Pa zin wal ta so timbot ŋoobo mi tiru zalan na, Yooba irao mataana mbeleele zin na som. Tana zin ko timbotmbot ta kembei ma alok na som. Mi zin wal ta so timbotmbot raama pataŋana mi tiur matan pini, na ni irao itit ndomon na som. Ko iuulu zin.