Mboe 89:48-52

⁴⁸Asiŋ ta irao imeete som mi imbot mataana iyaryaara men isu toono ti? Asiŋ irao itatke itunu pa meeteŋana mburaana? Som.

⁴⁹Yooba, muŋgu nu toto sua ku mbukŋana mi urur lelem pa wal ku. Tamen buri na, muŋaiŋana ku ila parei? Sua ku mbukŋana ta kam pa Dabit mi pombol ma imbol kat na, parei ta toto mini som?

⁵⁰O Yooba, motom iŋgal yam mbesooŋo ku. Pa iŋgi zin karkari tipamiaŋ yam, mi tirepilpiili yam ma leleyam isaana kat.

⁵¹Yooba, re king ta itum roogi mi uri pa uraata na. Lele swoi ta ni isombe ila pa i, na kom koi bizin tipasomi, mi tigibgiibi sua repiiliŋana pini.

⁵²Tapakur Yooba pa kampeŋana kini totomen. Ŋonoono kat.