Mboe 89:36-39

³⁶Sua ta kembei: Popoŋana kini ko irao timap na som. Ko motoŋ pizin ma timbotmbot mi tikamam peeze, mi iseeŋge iseeŋge ma ila. Peeze kizin ko imbotmbot ma alok, kembei ta zoŋ.

³⁷Peeze kizin ko imbol ma imbotmbot kembei ta puulu. Pa Ni ta imbotmbot ta saamba a, irre koroŋ ta boozomen mi itoto sua kini.”

³⁸Yooba, muŋgu nu so sua ta kembei. Tamen koozi nu ketem malmal biibi kat pa king ta itum roogi mi uri pa uraata na. Mi lelem pini som, mi pizil kat ndemem pini.

³⁹Sua mbukŋana ta kam pa mbesooŋo ku na, iŋgi nu reege kek. Mi kinke mogar kini mi pundu sula toono.