2“Niom tina, ŋiizi na kezem mbulu tiom sananŋana? Peeze ta kakamam, ina indeeŋe som. Niom sombe kapamender zin tomtom be kitiiri sua kizin, na kalalae kizin wal sananŋan.
3Niom tina kombot be koporoukaala zin wal ta len mburan biibi som na, mi zin moondo. Mi niom bela kemender pa zin wal tau timbot ŋoobo mi zin wal ta len ulaaŋa sa som na, mi ku'uulu zin pa pataŋana kizin.
4Mi zin wal ta len mburan biibi som, mi timbot ŋoobo ma tiru zalan na, niom leyom uraata be motoyom pizin mi kakamke zin la wal sananŋan naman.