Mboe 81:6-13

⁶“Nio ta aŋtatke mburu tiom pataŋana pa regeyom, mi aŋkam yom ma keteyom su pa uraata ta kakamam na.

⁷Indeeŋe ta kombotmbot lela pataŋana biibi leleene mi kataŋroro yo be aŋuulu yom na, nio aŋmar mi aŋkamke yom. Mi aŋbotmbot lela miiri tieene, mi lele ikuruŋruŋ ma aŋpekelkel kwoyom. Mi aŋtoombo yom su yok bukbukŋana Meriba bekena aŋute: Ko keleŋ la kalŋoŋ, som som?

⁸O niom wal tio, keleŋ sua tabe aŋpazal yom pa i. Niom Israel, sombe kuŋgun talŋoyom pa sua tio, so ndabok!

⁹Kozo kembeeze pa merere toro sa pepe. Tana kelek kumbuyom pa wal pakan merere kizin pepe.

¹⁰Pa nio Yooba ta Anutu tiom. Nio ta aŋkam yom ma kezem Aikuptu. Tana kwoyom ikaaga. Naso aŋparaurau kwoyom be kapakur kat nio zoŋ.”

¹¹Tamen wal tio Israel tileŋ la kalŋoŋ som. Mi lelen be timbot la kopoŋ mbarmaana som.

¹²Tanata aŋzem zin ma tikam zooroŋana irao zitun lelen mi ŋgar kizin.

¹³Mibe tileŋ la kalŋoŋ mi tito zaala tio, so ndabok!