Mboe 75:2-10

²Mi Anutu iso ta kembei: “Nio ituŋ aŋur nol tabe aŋpamender zin tomtom pa i. Mi sombe aŋur kadoono pizin, nako aŋkam ma indeeŋe men.

³Sombe toono imurur mi ka tomtom bizin ta boozomen tiseŋeeŋe, na nio ta ko aŋkis toono uunu ma imbol.

⁴Zin wal ta tipakurkur zitun na, nio aŋso pizin ta kembei: ‘Kapakur ituyom irao!’ Mi zin wal sananŋan na, aŋso pizin ta kembei: ‘Niyom izze sorok mi kapase pa ituyom mburoyom pepe!

⁵Pa mburoyom biibi iŋgoi? Tana kapakur yom pepe, mi kipiri sua repiiliŋana pepe!” ’

⁶Pa pakurŋana imar pa zoŋ uunu som, imar pa lele ta zoŋ isula na som, imar pa lele toro sa som.

⁷Imar pa Anutu itutamen tau. Pa ni ta tiiriŋana katuunu. Wal pakan, ni ikototo zin. Mi wal pakan na, ni ipakurkur zin. Itoto itunu leleene tau.

⁸Ŋonoono kat. Mbooro ta imbot la Yooba namaana kek. Mi mbooro tana na, bok pa kete malmalŋana kini. Ni ko ipiwin wal sananŋan boozomen ta timbotmbot toono na, mi tiwin ma imap. Tuturaana sa ko irao imbot na som.

⁹Mi nio, nako aŋzzoyaryaara uraata bibip mi ndabokbokŋan ki Yooba ma alok. Ko aŋbombo mboe mi aŋpakurkur Anutu ki Yakop zaana.

¹⁰Pa ni iso ta kembei: “Wal sananŋan na, nio ko aŋpunmeete mburan. Mi wal ndeeŋeŋan na, nio ko aŋpombol zin ma mburan izze, mi aŋpakur zin.