Mboe 74:15-19

¹⁵Lele pakan na, nu kam ma yok bukbuk ma ise pa toono, mi ireere ma iwe yok. Mi lele pakan na, nu kam yok bibip ma timakmaaga.

¹⁶Nu ta mborro aigule mi mbeŋ tomini. Mi nu ta ur zoŋ mi puulu ma timbotmbot la murin.

¹⁷Nu ur toono ka seŋgaaŋa, mi ur gorgor ki re mi iwaara.

¹⁸Yooba, motom iŋgal sua repiiliŋana ta kom koi bizin tikamam pu na. Iŋgi wal kankaanaŋan tizorzooru mi tipasansaana zom.

¹⁹Mi niam ta wal ku na, mburoyam biibi som. Tana itum poroukaala yam. Kokena koyam koi bizin timaŋga piam mi tipasaana yam. Iŋgi ambot ŋoobo kat. Kokena motom mbeleele kat yam.