Mboe 68:9-15

⁹Anutu, toono ta kam pa wal ku na, sombe kerekereŋana, na nu kamam yaŋ biibi ma izzu bekena pembeeze ma ambai mini.

¹⁰Zin sorrokŋan ta timbotmbot toono ta wal ku titu su pa na, na nu ko rre zin pa kan kini ma koroŋ. Pa nu ta kampeŋana katuunu.

¹¹Merere iso ta kembei: Ni ilip pa malmal kek. Tana wal boozo men tila ma tisoyaara uruunu.

¹²Tiso: “Ou keleŋ! Zin king ziŋan zin malmal kan kizin tiko papirik ma tila len lup kek! Tana toyo mburu kizin mi takam pizin moori kaibiim ta timbot kar na be tiparrai pizin.

¹³Zin tikam koroŋ pakan ta tiurpe ma kembei mbalmbal ruŋgun na. Koroŋ tana ndabokbokŋan kat. Tipakapkap begen pa silba, mi rumun rumun pa gol. Mi parei ta niom pakan kombombooreyom sorok raama zin sipsip men?”

¹⁴Indeeŋe ta Anutu mbura keskeezeŋana iyangwiiri zin king ma tiko pirik na, ikam ma ŋauŋau mi yaŋpat isu pa abal gabgapŋana Zalmon.

¹⁵Niom abal bibip ki Basan, niom zoyomŋoyom mi bibip, mi uteyom izalla ta kor a!