Mboe 64:6-10

⁶Tana lelen iurur be tikam mbulu kizin sananŋana ma tiso: “Aa, mbulu tabe takam i, nako takam ma takam kat. Tomtom sa ko iute iti som.” Aiss, iti tomtom na, ŋgar bozboozo imbot la lelende!

⁷Tamen Anutu, ni ko iser kat peene kini lutuunu ila kizin. Ko karau men ikas zin ma baram su.

⁸Sua sananŋana ta zin tigibgiibi na, Anutu ko ipimiili pizin mi ipasaana zitun pa. Mbulu tabe ni ikam pizin i, wal boozomen ko tire, to uten katkat pizin mi tiso: “Na buri. Kayamaana kek?”

⁹Mi tomtom ta boozomen ko tikam ŋgar pa mbulu ta Anutu ikam na, to timoto kan, mi tisoyaara uruunu.

¹⁰Tona zin wal ndeeŋeŋan ko menmeen zin pa Yooba, mi tipase pini be iwe ur pizin mi imenderkaala zin. Zin wal ta lelen ŋgeezeŋan, nako lelen ambai mi tiwit uruunu.