Mboe 62:3-8

³Niom wal ta kosombe kapasaana yo na, ŋiizi na kezem mbulu tiom sananŋana? Niom ta boozomen kakamam be kupun yo paso? Pa nio mburoŋ imap kek. Nio iŋgi kembei siiri ta isaana kek mabe borok su lene i.

⁴Nio zoŋ biibi, tanata kakamam be kokoto yo. Niom tina leleyom pa mbulu pakaamŋana ilip. Pa kwoyom na, izuŋzuŋ pa Anutu be ikampe yo. Tamen leleyom na, kosombe ni ipasaana yo.

⁵Tamen nio kopoŋ rru som. Iŋgi aŋur niŋ ma aŋbotmbot, mi aŋzza Anutu be iuulu yo. Nio aŋurur motoŋ pa ni itutamen.

⁶Ŋonoono kat, ni itutamen ta ulaaŋa tio, mi iwe siiri mbolŋana pio be aŋbot lela. Mi ni ta iwit yo mi iur yo sala kor. Tana kosa sa ko irao be ipasaana yo na som. Som kat!

⁷Nio aŋpase pa Anutu be imboro yo ma aŋbot ambai, mibe ipakur yo. Pa ni ta iwe siiri mbolŋana pio, mi iwe ur pio be aŋke lela.

⁸Niom wal ki Anutu, kapase pini totomen. Mi koso i pa pataŋana tiom boozomen ta imbotmbot la leleyom. Pa ni ta iwe ur piti mi imenderkalkaala iti.