Mboe 5:7-10

⁷Mi nio na, nu urur lelem pio, mi muŋaiŋai yo, mi kampewe yo biibi kat. Tana aŋrao be aŋlema urum ku. Nio ko aŋmoto u, mi aŋlek kumbuŋ pu lela urum ku potomŋana mi aŋsuŋu.

⁸Yooba, koŋ koi bizin tizaŋzaaŋa yo. Tana kam peeze pio, mi so yo pa mbulu ku ndeeŋeŋana. Pazal yo mi uulu yo be aŋto kat zaala ku.

⁹Koŋ koi bizin na, sua ŋonoono sa iwedet pa kwon som. Mi lelen na, bok pa ŋgar sananŋana be tipasaana yo. Sua kizin sananŋana kat. Pa ipasansaana zin tomtom. Mi tipakamkaam zin tomtom pa sua kizin mbuyeeneŋana.

¹⁰Anutu, ŋgal matan mi ur kadoono pizin. Patalli ŋgar kizin, mi kam kiizi kizin ma imiili mi ipasaana zitun. Pa tizorzooru mi timbel sanaana kamŋana kek. Tana ser zin ma tila timbot molo pa motom.