Mboe 59:12-15

¹²Wal tana mbulu kizin irao pa motom som. Pa tikamam sanaana boozomen pa kwon. Sua ta iwedet pa kwon na sananŋana men. Mi tipase pa zitun mburan mi tipakurkur zitun. Tamen mbulu kizin pakurŋana tana ko iwe kilis pizin.

¹³Zin tipakamkaam zin tomtom mi tigibgiibi sua sananŋana be tipasaana zin. Tana pasaana zin raama ketem malmalŋana ku. Pambiriizi zin ma timap kat. Naso toono ta boozomen tiute ta kembei: Niam Israel ta popoŋana ki Yakop na, Anutu ta ikamam peeze piam.

¹⁴Rou ta boozomen, koŋ koi bizin timilmiili ma timar, mi tiwwa pa kar leleene ma tiŋurŋur kembei me ta ikamam be ikan tomtom na.

¹⁵Zin kembei me ta tiwwa mi tirru kan kini. Mi sombe tikan ma irao som, to timbolmboolo ma ila berek.