Mboe 59:10-12

¹⁰Anutu tio, nu toto sua ku mbukŋana mi urur lelem pa wal ku. Muuŋgu pio, mi koto koŋ koi bizin ta tireudut yo na, mi aŋre kat pa motoŋ. Naso menmeen yo biibi.

¹¹Tamen pun zin ma timetmeete karau pepe. Kokena wal tio matan mbeleele mbulu ku ta urur kadoono pizin wal sananŋan. Merere, nu ta we siŋgiao piam mi menderkalkaala yam. Tana koto zin pa itum mburom ma zan imap kat, mi yaŋgwiiri zin ma tila timbot leŋaleŋa ma irao tisula len Andewa.

¹²Wal tana mbulu kizin irao pa motom som. Pa tikamam sanaana boozomen pa kwon. Sua ta iwedet pa kwon na sananŋana men. Mi tipase pa zitun mburan mi tipakurkur zitun. Tamen mbulu kizin pakurŋana tana ko iwe kilis pizin.