Mboe 53:2-5

²Anutu imbotmbot saamba, mi irre su pizin tomtom mi itirtiiri zin. Ko kizin tasa le ŋgar ambaiŋana, mi ikam kinkiini be iute Anutu mi imbot kolouŋana pini?

³Mi som. Timap ma tizem zaala kini kek. Tisaana lup. Kizin tasa ikam mbulu ambaiŋana sa som. Som kat.

⁴Tana Anutu iso: “Wal tau tikamam mbulu sananŋana i, ŋiizi na ŋgar kizin ipet? Gorgori tipasansaana zin wal tio. Pa tipakamkaam zin, mi timbotmbot se kizin. Mi matan iŋgalŋgal yo som, mi tizuŋzuŋ pio som.”

⁵Kere koyom koi bizin ta timaŋga mi tiso tikam malmal piom na! Muŋgu timoto som. Mi iŋga Anutu ipasaana zin, mi igibgiibi tirontiron ma timbot leŋaleŋa. Tana motoŋana biibi ikam zin ma tisaana kat. Mi niom kilip pizin mi kapamiaŋ zin. Pa Anutu, ni ipizil kat ndemeene pizin.