Mboe 46:4-7

⁴Kar potomŋana ta Anutu kor kana muriini na, ka yok ta irereere ma imbotmbot. Yok tana ikam ma kar tana ka tomtom bizin timbot ambai mi menmeen zin.

⁵Anutu imbotmbot lela kar kini tana, mi iporoukalkaala zin. Tana kosa sa ko irao be ipasaana zin na som. Sombe pataŋana sa ipet pizin, na ni irao inaama ma zoŋ mataana ise na som. Ko iuulu zin karau men.

⁶Karkari ta boozomen kalŋan izalla mi timaŋgaŋga be tikam malmal. Mi king boozomen mburan imap, mi lele kizin ikamam be isaana. Mi Anutu kalŋaana isala ma biibi kembei ta lolo ipeene i, to ineene toono ta boozomen, ma ireere kembei yok.

⁷Yooba ni mbura keskeezeŋana. Mi ni imbotmbot raama iti. Anutu ki Yakop ta iwit ti mi iur ti sala kor, mi iwe seraara mbolŋana pa kanda koi bizin. Tana zin ko tirao be timbuulu iti na som.