Mboe 41:4-9

⁴Nio aŋso ta kembei: “Yooba, nio aŋkam sanaana pu. Mi muŋai yo mi urpe yo ma niŋ ambai mini. Pa nio mbesooŋo ku tau.”

⁵Iŋgi koŋ koi bizin tikamam sua sananŋana pio. Tizzo ta kembei: “To tana, ŋiizi na imeete ma ila ne? Naso matanda mbeleele kati.”

⁶Mi sombe tomtom timar ma tilou yo na, timar raama lelen som. Tipakaam. Pa timar be tireut mete tio men tau. Mi kaimer, sombe tiyooto ma tila, to tipasaana uruŋ.

⁷Koŋ koi bizin ta boozomen tikamam ŋgar sananŋana pio, mi tiparmburumrum zin ma tizzo ta kembei:

⁸“Aa, to tiŋga, mete sananŋana kat ikami. Ko irao imaŋga mini na som. Iŋga be imeete a.”

⁹Mi toroŋ ŋonoono ta aŋdemeere kati mi aŋpase pini, mi niamru ambot mbata mi aŋkamam ka kini na, ni tomini itoori mi isu iwe koŋ koi.