Mboe 20:1-4

¹Mboe ki Dabit Nu sombe mbotmbot la pataŋana leleene mi taŋroro Yooba, na ni ko ileŋu mi iuulu u. Anutu ki Yakop ko iwitu, mi iuru sala kor. Naso kom koi bizin tirao be timbuulu u mini som.

²Anutu ko imbot urum kini potomŋana ta Sion na, mi iŋgo ulaaŋa sa pu mi ipombolu.

³Pa koroŋ boozomen ta nu kamam pini na, ni mataana iŋgalŋgal. Mi leleene ambai pa patoronŋana boozomen ta nu nenne sala you na.

⁴Tana koroŋ boozomen ta so lelem pa, na ni ko ikam pu. Mi ŋgar boozomen ta lelem iur pa na, ni ko ikam ma iur ŋonoono.