Mboe 149:5-9

⁵Tana zin wal tau tiurur lelen pa Yooba mi titoto mbulu kini, nako lelen ambai mi nin se. Pa ni ko ipakur zin, mi ikam zin ma tilip. Mi sombe tilek kumbun pini be tisuŋ, nako kalŋan isala mi tipakuri raama menmeen zin.

⁶Mboe pakurŋana ko imbot la kwon, mi buza mata mbaaru imbot la naman keteene,

⁷bekena tipokot mbulu sananŋana kizin karkari mi tiur kadoono pa kan koi bizin.

⁸Ko tipo zin king kizin pa re mbolŋan, mi tipo zin peeze kan kizin pa sen ta tiurpe pa ain na.

⁹Naso tikam ma wal tana tire kadoono kizin. Kadoono tana, tibeede ka sua pataaŋa kek. Mbulu tana iso ipet, tona zin wal ta tiurur lelen pa Yooba mi titoto mbulu kini na zan ko iwe biibi. Haleluya!