Mboe 148:7-10

⁷Mi niom koroŋ ta kombotmbot su toono na tomini, kapakur Yooba! Niom koroŋ mburanŋan ki tai mi mozo lukutuunu na, kapakuri!

⁸Mi lolo niini, mi yaŋpat, ŋauŋau mi tolou, mi miiri mburanŋan ta keleŋleŋ la kalŋaana na, kapakuri!

⁹Niom abalabal mi lele mbukunbukun ta boozomen, mi ke ŋononŋan mi ke mbolŋan ta munŋaana men ki su na, kapakuri!

¹⁰Mi niom mbili kar koyom mi buzur su koyom, niom koroŋ karraŋoyom, mi niom man ta kirie na, kapakuri!