2Niom aŋela kini ta boozomen, kapakuri! Mi niom malmal koyom ta boozomen ki kar saamba, kapakuri!
3Zoŋ mi puulu, kapakuri! Mi niom pitik ta kayaryaara na, kapakuri!
4Nu saamba ta mbot sala kor kat na, pakuri! Mi niom yok ta kombot sala kor a, kapakuri!
5Zin ta boozomen tana bela tipakur Yooba zaana. Pa ni iur sua ma zin tipet.
6Mi iur zin la murinmurin be timbotmbot ta kembei ma alok. Pa kan sua ta ni iur pataaŋa kek na, irao imap na som.
7Mi niom koroŋ ta kombotmbot su toono na tomini, kapakur Yooba! Niom koroŋ mburanŋan ki tai mi mozo lukutuunu na, kapakuri!
8Mi lolo niini, mi yaŋpat, ŋauŋau mi tolou, mi miiri mburanŋan ta keleŋleŋ la kalŋaana na, kapakuri!
9Niom abalabal mi lele mbukunbukun ta boozomen, mi ke ŋononŋan mi ke mbolŋan ta munŋaana men ki su na, kapakuri!
10Mi niom mbili kar koyom mi buzur su koyom, niom koroŋ karraŋoyom, mi niom man ta kirie na, kapakuri!
Mboe 148
Mboe 148:2-10