Mboe 136:2-14

²Leleyom ambai pa Anutu mi kapakuri. Pa ni ilip pa merere ta boozomen. Ni itoto sua kini mbukŋana mi iurur leleene pa wal kini ma alok.

³Leleyom ambai pini mi kapakuri. Pa ni ta Merere biibi ŋonoono. Ilip pa merere ta boozomen. Ni itoto sua kini mbukŋana mi iurur leleene pa wal kini ma alok.

⁴Ni itutamen ta ikamam uraata bibip ta ipa ndel kat. Ni itoto sua kini mbukŋana mi iurur leleene pa wal kini ma alok.

⁵Muŋgu ni iur saamba ramaki ka koroŋ ta boozomen. Uraata tana iswe i kembei ni le ŋgar biibi. Ni itoto sua kini mbukŋana mi iurur leleene pa wal kini ma alok.

⁶Mi iur toono ma imbot se yok ŋwaana. Ni itoto sua kini mbukŋana mi iurur leleene pa wal kini ma alok.

⁷Ni ta iur koroŋ bibip sala maŋaanaŋana be tiur mat piti. Ni itoto sua kini mbukŋana mi iurur leleene pa wal kini ma alok.

⁸Iur zoŋ be iyaara pa aigule. Ni itoto sua kini mbukŋana mi iurur leleene pa wal kini ma alok.

⁹Mi iur puulu ramaki pitik be tiyaara pa mbeŋ. Ni itoto sua kini mbukŋana mi iurur leleene pa wal kini ma alok.

¹⁰Ni ta ikasgeege zin pikin muŋgamuŋga kizin Aikuptu. Ni itoto sua kini mbukŋana mi iurur leleene pa wal kini ma alok.

¹¹Mi itatke zin Israel pa zin Aikuptu kan naman. Ni itoto sua kini mbukŋana mi iurur leleene pa wal kini ma alok.

¹²Uraata tana, ni ikam raama mburaana biibi. Pa ni mbura keskeezeŋana. Ni itoto sua kini mbukŋana mi iurur leleene pa wal kini ma alok.

¹³Ni ikam ma tai siŋsiŋŋana imet ma iwe ru, mi toono raraazaŋana ipet. Ni itoto sua kini mbukŋana mi iurur leleene pa wal kini ma alok.

¹⁴Mi iyaaru zin Israel ma tipa pa toono raraazaŋana ta imbot tai lukutuunu na, mi tilae mbaaga. Ni itoto sua kini mbukŋana mi iurur leleene pa wal kini ma alok.