Mboe 136:14-21

¹⁴Mi iyaaru zin Israel ma tipa pa toono raraazaŋana ta imbot tai lukutuunu na, mi tilae mbaaga. Ni itoto sua kini mbukŋana mi iurur leleene pa wal kini ma alok.

¹⁵Mi igiibi king kizin Aikuptu ziŋan zin malmal kan kini sula Tai Siŋsiŋŋana, ma tiwin katkat tai ma timetmeete. Ni itoto sua kini mbukŋana mi iurur leleene pa wal kini ma alok.

¹⁶Ni imuŋmuuŋgu pa wal kini ma ziŋan tiwwa pa lele bilimŋana. Ni itoto sua kini mbukŋana mi iurur leleene pa wal kini ma alok.

¹⁷Ni ikasgeege zin king mburanŋan. Ni itoto sua kini mbukŋana mi iurur leleene pa wal kini ma alok.

¹⁸Ni ipun zin king zanŋan ma timetmeete. Ni itoto sua kini mbukŋana mi iurur leleene pa wal kini ma alok.

¹⁹Ipun Sihon ta king kizin Amor na ma imeete. Ni itoto sua kini mbukŋana mi iurur leleene pa wal kini ma alok.

²⁰Mi ipun Og, ta king ki Basan na, ma imeete. Ni itoto sua kini mbukŋana mi iurur leleene pa wal kini ma alok.

²¹Mi ikam toono kizin pa wal kini Israel ma iwe len. Ni itoto sua kini mbukŋana mi iurur leleene pa wal kini ma alok.