Text copied!
CopyCompare
Anutu Sua Kini Potomaxana - Mboe - Mboe 136

Mboe 136:1-24

Help us?
Click on verse(s) to share them!
1Leleyom ambai pa Yooba mi kapakuri. Pa ni ambaiŋana kat. Ni itoto sua kini mbukŋana mi iurur leleene pa wal kini ma alok.
2Leleyom ambai pa Anutu mi kapakuri. Pa ni ilip pa merere ta boozomen. Ni itoto sua kini mbukŋana mi iurur leleene pa wal kini ma alok.
3Leleyom ambai pini mi kapakuri. Pa ni ta Merere biibi ŋonoono. Ilip pa merere ta boozomen. Ni itoto sua kini mbukŋana mi iurur leleene pa wal kini ma alok.
4Ni itutamen ta ikamam uraata bibip ta ipa ndel kat. Ni itoto sua kini mbukŋana mi iurur leleene pa wal kini ma alok.
5Muŋgu ni iur saamba ramaki ka koroŋ ta boozomen. Uraata tana iswe i kembei ni le ŋgar biibi. Ni itoto sua kini mbukŋana mi iurur leleene pa wal kini ma alok.
6Mi iur toono ma imbot se yok ŋwaana. Ni itoto sua kini mbukŋana mi iurur leleene pa wal kini ma alok.
7Ni ta iur koroŋ bibip sala maŋaanaŋana be tiur mat piti. Ni itoto sua kini mbukŋana mi iurur leleene pa wal kini ma alok.
8Iur zoŋ be iyaara pa aigule. Ni itoto sua kini mbukŋana mi iurur leleene pa wal kini ma alok.
9Mi iur puulu ramaki pitik be tiyaara pa mbeŋ. Ni itoto sua kini mbukŋana mi iurur leleene pa wal kini ma alok.
10Ni ta ikasgeege zin pikin muŋgamuŋga kizin Aikuptu. Ni itoto sua kini mbukŋana mi iurur leleene pa wal kini ma alok.
11Mi itatke zin Israel pa zin Aikuptu kan naman. Ni itoto sua kini mbukŋana mi iurur leleene pa wal kini ma alok.
12Uraata tana, ni ikam raama mburaana biibi. Pa ni mbura keskeezeŋana. Ni itoto sua kini mbukŋana mi iurur leleene pa wal kini ma alok.
13Ni ikam ma tai siŋsiŋŋana imet ma iwe ru, mi toono raraazaŋana ipet. Ni itoto sua kini mbukŋana mi iurur leleene pa wal kini ma alok.
14Mi iyaaru zin Israel ma tipa pa toono raraazaŋana ta imbot tai lukutuunu na, mi tilae mbaaga. Ni itoto sua kini mbukŋana mi iurur leleene pa wal kini ma alok.
15Mi igiibi king kizin Aikuptu ziŋan zin malmal kan kini sula Tai Siŋsiŋŋana, ma tiwin katkat tai ma timetmeete. Ni itoto sua kini mbukŋana mi iurur leleene pa wal kini ma alok.
16Ni imuŋmuuŋgu pa wal kini ma ziŋan tiwwa pa lele bilimŋana. Ni itoto sua kini mbukŋana mi iurur leleene pa wal kini ma alok.
17Ni ikasgeege zin king mburanŋan. Ni itoto sua kini mbukŋana mi iurur leleene pa wal kini ma alok.
18Ni ipun zin king zanŋan ma timetmeete. Ni itoto sua kini mbukŋana mi iurur leleene pa wal kini ma alok.
19Ipun Sihon ta king kizin Amor na ma imeete. Ni itoto sua kini mbukŋana mi iurur leleene pa wal kini ma alok.
20Mi ipun Og, ta king ki Basan na, ma imeete. Ni itoto sua kini mbukŋana mi iurur leleene pa wal kini ma alok.
21Mi ikam toono kizin pa wal kini Israel ma iwe len. Ni itoto sua kini mbukŋana mi iurur leleene pa wal kini ma alok.
22Ikam toono tana pa zin Israel ta mbesooŋo kini na, ma iwe len be timbotmbot pa, mi iseeŋge iseeŋge ma ila. Ni itoto sua kini mbukŋana mi iurur leleene pa wal kini ma alok.
23Indeeŋe niam ambot ŋoobo kat na, ni mataana mbeleele yam som. Ni itoto sua kini mbukŋana mi iurur leleene pa wal kini ma alok.
24Ni itatke yam pa koyam koi bizin naman. Ni itoto sua kini mbukŋana mi iurur leleene pa wal kini ma alok.

Read Mboe 136Mboe 136
Compare Mboe 136:1-24Mboe 136:1-24