Mboe 119:95-99

⁹⁵Iŋgi zin wal sananŋan tizaŋzaaŋa yo be tipun yo ma aŋmeete. Tamen nio aŋkamam ŋgar men pa tutu ta nu ur pa wal ku na.

⁹⁶Nio aŋre koroŋ sa ila ma iwe ambai komboono na som. Pa koroŋ ta boozomen tilala ma timilmiili. Tamen tutu ku na, ambai komboono, mi imbotmbot ma alok.

⁹⁷Sua ta nu kam piam na, nio leleŋ pa ilip! Tana zoŋ ise ma ila zoŋ isula na, motoŋ ilala pa mi aŋrru ka ŋgar.

⁹⁸Tutu ku imbotmbot raama yo totomen. Tabe ikam ma ŋgar tio ilip pa koŋ koi bizin ŋgar kizin.

⁹⁹Mi ŋgar tio ilip pa zin wal ŋgarŋan ta tipaute yo na tomini. Pa zaala ta nu ur pa wal ku na, motoŋ ilala pa ka tutu mi aŋkamam ŋgar pa.