Masatarangana 23:22-26

²²Tor watarimash witspatari waanaatsi tapachindaru ashikpaz ashiru Apanll Israelchicheem ksutkiya.

²³Waana Apanll tiptsiree Ijiptosh tsap tashitungarangu, anshuch tputs ichingarusin kizpurinandaritssin taaranaya. ¿Tamamaja tputs anoo kasiku kasich? ¿Tamayareezich anshuchee tputs zutaychich? Zutamaam pinasa, watam Apanll waana ksutkuwa. Ashirucha, chiy Israelchichee tputs támaam waritariya; ¿Siyaamam wanip Apanll istaranga? Urutamari ambiri ashishtar ashtachiya, táchchi.

²⁴Ashirusincha, anshuch tputs Israelchich ichingarusin kizpurinandaritssin taakanaya. Tumuz ashiru yáyachu, nda kapamaam waninda. Izuuru zamari zayaru, kapunguri katungkeeru, tazazayaru, ursiree wayaru, mapiysha maamawamach ashtaru, an tamaparee ashiritamsin, nda nizimaam yasaranaya. Ashirucha, ambchee tputs kasimaam wanindaja táshina, mang ántar ashirangiya kurakaa Balakaatsi.

²⁵Balaksha tsiyantayaru; Zamangi, Balamaa. Shiy zutamaam pinasakush, ¿mayaamshtaja wanasir tsiyataksha? Ashiriya, zamayarush taangi, tárangiya.

²⁶Balamsha; Nda, amb tárinllpa. ¿Mayaamshitaja Apanll nuwaa nda kamachtaru, nuwshat nuwaanitari msangeeri amb ashtachee? tárangiya.