Markus 5:14-19

¹⁴A ya nagtahon kiden ta bahuy kiden a nagbabilag kid na hapa nga kumin ta ili, a nesaned da nedanug ya ngamin iningwa ni Hesus, a umange hapa ya tolay kiden, te enda inita ya makkwa.

¹⁵A ta datang da ta agyan ni Hesus, a nagtalaw kid na hapa, te naita dan ya lalaki en nga nagyanan na anitu kiden, ammi awan na ya uyung na en, te nagbarawasin, a imatuttud la ten.

¹⁶A binida hapa na nagtahon kiden ya ngamin naita da ta naguyungen ikid na bahuy kiden.

¹⁷A yen ya gafu na ta pinatugut da i Hesus, te aweda ikayat ta magdulot ta lugar da.

¹⁸A nagtoli mantu ta barangayen nga nagluganan da, a paalap hapa ya lalaki en nga nagyanan na anitu kiden petta dumagdag hapa tentu,

¹⁹ammi awena nepalubus ni Hesus. “Awem la ange, te dumatang kan mina ta balim ikid na kahulum kiden, te ipadangag mu sangaw tekid ya ngamin kallak na Namaratu teko,” kunna tentu.