Markuj 8:1-33

¹NI ran oko pil pokon kalaimunia mia, ap jota me re tunole; a ap kotin molipedo japwilim a tounpadak kan, majani on irail:

²I pokela pokon et, pwe re ieian ia ran jilu, ap jota ar tunol.

³O ma I kadar ir won ni im ar dupok, re pan liponmaj nani al, pwe akai ir kodo jan waja doo.

⁴A japwilim a tounpadak kan ap japen potoan on i: Ia waja, me amen pan kak ki jan ia prot, men kamedela pokon et nan jap tan et?

⁵A ap kotin kainoma re irail: Prot depa mi re omail? Re ap japen potoan on: Me iju.

⁶I ari kotin majani on pokon o, en mondi on nan pwel, ap kotikida lopon en prot iju, laolaoki, pilitiki pajan o ari, ap kotiki on japwilim a tounpadak kan, pwe ren nek. Irail ari nek on pokon o.

⁷Kijin mam kai pil mia, i ari laolaoki o majani, ren pil neki on irail.

⁸Irail ari mana o medier. Irail ap deuk pena kopou en maremor iju luan kamadip,

⁹Me manaer me koren ion pakid. A ap kotin kadar ir pajan.

¹⁰Io japwilim a tounpadak kan ap madan kotidan pon jop pot, kotelan nan wein Dalmanuta.

¹¹Parijär akai ap kodo, tapiada akamai on i, men kilan re a kilel jan nanlan, pwe re kajonejon i.

¹²A ap kotin kaananala nan nen i, majani: Menda di wet nonki kilel eu? Melel I indai on komail: Jota kilel eu pan ko on di wet.

¹³I ari kotila jan irail, pil pur on nin jop o, kotilan palio.

¹⁴Irail ap monokela prot oko, men kapinwar arail, lopon prot ta ieu mimi re rail nin jop o.

¹⁵I ari kapun on irail majani: Kalaka en Parijär ko ar kalap o en Erodej a kalap.

¹⁶Irail ap lamelame nan pun arail: Jota atail prot oko.

¹⁷Ni en Iejuj a kotin maniada, a majani on irail: Da me komail toutouki a jota kan omail prot? Komail jaikenta dedekila o weweki? Monion omail kapikapitakaita?

¹⁸Maj omail mia, ap jota kilan; jalon omail mia, ap jota ron. O komail jota tamataman,

¹⁹Ni ai pilinon me limekid lopon en prot limau o, kopou en maremor depa, me komail deukada? Re ap potoan on i: Me eijokriau.

²⁰O iju nan pun en me pakid, kopou en maremor depa, me komail deukada? Re ap potoan: Me iju.

²¹A ap kotin kainoma re ’rail: A da me komail jota dedeki?

²²A ap koti don Petjaida. Re ap wa don i majkun amen, poekipoeki en jair i.

²³A ap kotin ale pa en me majkun o kaluala jan ni kijin kanim o; A ap likidi on ni maj a o pwil poa lim a ko ap kainoma re a, ma a kilanada waja de jo?

²⁴I ari jarada potoan: I kilan aramaj akan likamada tuka kai, me alialu jili.

²⁵A pil pwil pon maj a lim a ko, ap kajaradakeda. I ari kelailada ap kilanada mau.

²⁶A ap kotin kadaralan nin im a majani: Koe depa pur won ni kijin kanim o, o pil depa indai on meamen nin kanim o!

²⁷Iejuj i japwilim a tounpadak kan ap kotieila nan kanim en Jäjarea Pilipi ko. Ari, ni a kotikot kowei, ap kotin kainoma ren japwilim a tounpadak kan majani on irail: Ij me aramaj inda me nai?

²⁸Irail japen i potoan on: Ioanej jaunpaptaij; a akai inda, me Eliaj; a akai, me amen jan ren jaukop akan.

²⁹A ap kotin kainoma re irail: A komail, ij me komail kin inda me nai? Petruj ap japen potoan on i: Komui Krijtuj!

³⁰I ari kotin kalik irail edi, re depa indai on meamen i.

³¹A ap kotin tapiada kawewe kin irail, me Nain aramaj en kalokolok toto o jokonekonla pan jaumaj akan, o jamero lapalap akan, o jaunkawewe kan, o pan kamela, ap pan maureda murin ran jilu.

³²Majan wet a kotin majani janjal. Petruj ap ukada i tapiada kapun on i.

³³Iejuj ap kotin jaupeido aupwil jili pon japwilim a tounpadak kan, kapun on Petruj majani: Kola muri, Jatan! Pwe om lamelam kaidin en Kot, a en aramaj.