Mark 7:2-17

²Irai soahkda doahr epwi nah sohnpadahkkok kin mwingehki poa jamin—nehn ahr johkin amwumw doahr siahkko ma Pharisee ok pwehng armaj ohroj en wia.

³(Pwa Pharisee‑ok apel mihn Jews ohroj, kin japjang siahkkok ma arai oaloa jang ipen mihn Jew in mehjjok: ioar ma arai johkin mwingehki ma arai johpwa amwumwla doahr siahk koadoaudoaudo jang mihn mehjjok.

⁴Irai johkin kang mehkij ma wijikdo jang wijahn noasnoas kan, ma arai johpwa amwunnla. Irai kin pel wia siahk dir ma arai oaloahjang mihn mehj kan: doahroar amwumw mwoak, amwumw pileis, amwumw pwohl prahs, apel pehd kan.)

⁵Pharisee‑ok apel johnpadahk in Kojonneddok idoak ipen Jesus, pwehng ih, “Maing, amwda nihmw sohnpadahk kan johkin pwilihki kapwaiahda siahk koadoaudoaudo en jamasai mihn mehjjok, nehn arai kin pwili mwinge a johkin amwumwla.”

⁶A Jesus japoang irai pwa, “Mehlel oar pwa uhdahn pwung en Isaiah kohpda doahr amwai mwalaun en, doahr ma ne insingdi. ‘Koahs pwa, armaj pwiai kin woaunki ngoahi jang in arai lal a mohngiongirai inenin dohjang ngoahi.

⁷Johpwa kaspoan ahr kin joarwi oang ngoahi, pwa irai kin padahkki kojonned in armaj, a irai karaunki pwa en Koahs Kojonned.’”

⁸Ih pel pwa, “Kamwai kin kerpwihla kojonned in Koahs, a kin injinohkihoar kapwaiahda siahk kadoaudoau in armaj kan.”

⁹Ih pel doaudoaula pwa, “Kamwai inenin loalkoangin joah oaloahda kojonned in Koahs, pwa kamwai en kahuj pein amwai padahk kan.

¹⁰Pwa Moses koajnehdi pwa, ‘Koawoa woaunki joamoamw apel inoamw,’ apel ‘Ma emen ma pirin lahlahwe jamah ke inah, ih pirin kojkojdi.’

¹¹A kamwai wud kin padahkkihwe, ‘Ma armaj men anki ekij ma ih kak jeuwejehki jamah apel inah, a kin pwa, “Corban me” (woahwoahki “oang Koahs”),

¹²ih pwa ih ne johla anki pwukoahn jeuweje jamah apel inah.’

¹³Doari, ioar doahr amwai kin koauwehla mahjan en Koahs nehn amwai kin pein padahkihoang armaj kan siahk kan ma kamwai kin pein wiahda. Apel mine siahk dir ma doahroar me ma kamwai kin wihwia.”

¹⁴Jesus pel pangindo pokonno ipoa, pwehng irai, “Kamwai rong apel woahwoahki mwehu me:

¹⁵Johpwa mehkij ma kin aluhwoang nehn koawoa jang likin kak kajaminihla koawoa, pwa mehkan ma kin injang loaloa, ioar ma kin kajaminihla koawoa.

¹⁶(Kamwai rong ma mine siamwai mihn rong wija.)”

¹⁷Nehn ah injang ipen armajjok dilda nehn ummwo, nah sohnpadahkkok idoak ipoa woahwoahn karajraj oauwe.