Mark 7:2-17

²Nda to imrlikoma bari basi rli birli hamma ni ngla wo.

³Farisawa ni yahudawa wawu mba ba na rli birli na sai ba nglawo, don ahi alada mba.

⁴Inde farisawa ba ye rji cucu, bana rli birli na sai ba Sukpa; ni imbru kpi bari wa ba hua na ba ngla vuva nho uri kongo ni kpi ndu la wawu.

⁵Farisawa ni bi nha mba mye Yesu “Ahi ngyesa imrli ko me mba na Ziren ni nkon u bi nikon amma di ni rli birli ni worji?”

⁶Ama a ua ni bawu, “Ishaya tre tsar ni tu mbi bi gyru ndi. Ba nha din, Ndi biyi ba hume ni vre nyu amma isuron he gbagbanwu ni me.

⁷Ba wu me u ce, nda ni tsuro ikpi bi u ndi wa ahi u mba.

⁸Bi ka doka rji don di nji u di mu gbangban me.

⁹A la wa bawu, A bi yiwu wa bi ka doka Rji don ndu yi nji ala'ada u mbi.

¹⁰Musa a tre, 'Wo tre tieme ni yime', u iwa a tre meme ni tiema ko yima, gbigbi ani qu'. “Amma bi hla, 'Indiwa a hla ni tiema ko yima

¹¹Izo ko birime wa una kpa ni me a hi Corban “(wa wu tre, nno ni Rji)

¹²Una la ny'me ni wu ndu tie kpie ni tiema ko iyi ma na.

¹³Bi kpa tre Rji ni tie meme ni al'ada mbi wa bi ndi nji wu ngbangban me. Ni gbugbu kpie wa bi muba wa bi tie'a.

¹⁴A yo kpentren ndi ba ngarli nda tre wo me wawu mbi wu ndi to.

¹⁵Ikpie ri u kora na he na wa ani ba ndi tie meme”. A hi kpie wa a rju rji ni mi ndi, ikiyi ni kpa ndi tie meme”

¹⁶Indi wa a he ntlon wo'a ka wo.

¹⁷To, Yesu a ka kpentre ndi ba don nda ri mikoh, mrli ko ma ba mye itre misali.