Mark 6:28-50

²⁸A nji tu Yohanaye ni mi gbugba kukron nda ka nno vren wā-a u vren wā-a ka nji ka nno yima.

²⁹Mru ko ma ha wo nda hi ka ban jiji kpa ma ka rju ni be.

³⁰Manzani ba ba ye ni Yesu nda vu ikpie wa ba tie'a bla wa wawu-u.

³¹A hla bawu “Rju hi ni wi gi wa bi he kimbi'a ndi kusi tsame. Don indi gbugbu wu ba ta ye nda hi ni ba u ba ka na he nton u rli ua mena.

³²U Manzani ba ba ka rju dran gwu hi wrji wa indi ba na he'a na.

³³Amma indi ba ba to ba nda to rju mba nda tsutsu ni za rju ni mi gbuba wawu-u nda ka ri ni bubu'a guci ni bawu.

³⁴Da ba-a rugran ne'a nda ka to kpentren ndi wa ba ki gben ba'-a, wa a lo'u suron don bana rhi kpe me na intamma wa ba na he ni ndi ma na. a krli ri ni tsuro ba' ikpi gbugbu-u.

³⁵Ba he me u icha ye tie u mali ko ma baka tre wu ndu.

³⁶Hla ndu ba hi ni mi gbu bi wie wiere na le birli da di don iwrji wa ba he'a bran inkon ni gbu.

³⁷Wa' a kasa ba wu din, nno ba ikpie wa ba rlia. Ba mye, ki hi le bredi u denari derli harli ye nno ba?

³⁸Wa mye ba “bi he ni gble bredi bren? Hi ndi hi ya' to”. Da ba ka to, ba hla wu din, Igble nton ni lambe hari.

³⁹A ndu ba kusun ni giga'a ni nklan ma.

⁴⁰Ba kuson ini nklan deri-deri mba se'titon.

⁴¹A vu bredi ton ba ni lambe ha ba nda nzu ya shulu nda ti lulu ni tu mba nda myre bredi ka nno manzani ma ndu ba ga ndin ba. A la vu lambe ba nda fan ba ti tsitsa ma da ga ba.

⁴²Baka ntan da wrji sa'sa'me don mbuerma.

⁴³Ba vu shu ni sisen wlon don harli.

⁴⁴Bi wa ba tan bredia u lambe-a ba lilon dubu ton.

⁴⁵A ni kle tre's da ndu manzani ba ri ni nhamma gwu'a nda hi guci wu ni Besaida nda ndu kpentren ndi ba hi kpamba.

⁴⁶Da indi ba ba hi wawu-u wa ka hon hi ngblu nda'yi addua.

⁴⁷Yalu a tie u Jirgi'a ka ri tsutsu ma-a ye u Yesu na rli he ni meme ni nkrji ma.

⁴⁸A to ba ni mi Jirgia ni tsi kpa wa ba ki tie ni shishi ngwungwu'a nda ta son vu ba yiba.

⁴⁹Amma da ba to u si zren ni tu ma-a baka ya nda ahi ibrji,

⁵⁰sisri ti ba u baka yira yi! Gbagblame, a tre ni ba nda hla bamu vu suron! A hi me! Na klu sisri na!