MAREKO 4:21-40

²¹Ia ese ma e hereva henidia, eto, Lamepa bae mailaia, tohe amo bae karuhia ahu, eiava pata henunai bae laia vareai a? Lasi, lamepa patana ai bae laia kau, ani?

²²Hehuni ḡaudia iboudiai do bae hedinarai; lalo-tao ḡaudia iboudiai do bae gwaurai.

²³Mai taiana tauna na baine hakala.

²⁴Ma eto, Ba kamonai herevadia na nahuadia ba toho; ba heni hahetohona amo do bae henirnui, ma taidia ma bae ato kau.

²⁵Badina be mai ena ḡau tauna ena ma bae henia, a asi ena ḡau tauna ena amo miana ḡauna do bae abia oho.

²⁶Ia eto, Dirava ena basileia na tau ta na heto, uit uhedia na uma ai ella ḡiḡi rohorollo.

²⁷Bena hanuaboi ai e mahuta, dina ai e noga, a unu uhe na sibodia tuhutuhudia e tubu, ta na edia tubu dalana asi dibana.

²⁸Tano sibona anina e havaraiamu, tuhutuhuna na guna, murinai na peka, gabeai anina peka lalonai.

²⁹A anina baine lo, vada baine utua, badina be taboro negana bunai.

³⁰Ma eto, Dirava ena basileia na dahaka ai baita haheḡereḡerea? Sivarai heḡereḡerena edehetomana ai baita hahedinaraia?

³¹Ia na sinapi nadinadina ta na heto, tano ai e hadoamu negana ai tanobada uhedia iboudiai ia mo sibona maraḡi-maraḡi herea.

³²To e hadoamu, bena e tubumu, ela bonaaniani avadia iboudiai e tubutanimu, rigina danu e badamu, bona atai manudia ese ikerukeruna ai laḡadia e animu.

³³Sivarai heḡereḡeredia unuhetomadia diaḡau amo ia ese e hadibadiava, edia kamonai heḡereḡerena.

³⁴Sivarai heḡereḡeredia amo e hadibadiava; a ena hahediba mo sibodia ediai hereva iboudiai anidia e hahedinaraiva.

³⁵Una dina kerekerena ai, ia ese ena hahediba e hamaorodia, eto, Gohu unukahana aita heau hanai.

³⁶Bena ia ese hutuma e rakatanidia, idia ida vanaḡi ai e gui. Vanaḡi haida ese e bamodia.

³⁷A lai gubana ta ediai e kau, bona hurehure vanaḡi ai e roho uda, bena mokona e mutu.

³⁸A ia na vanaḡi gabenana ikurena ai e hekwina, e mahuta. Bena e haoa, eto, Hahediba taumu e, be maloadamu to laloamu a?

³⁹Bena ia e tore isi, lai e gwaua tao, bona hurehure e gwau heni, eto, A gaima! Bena lai e doko, e gaima.

⁴⁰Bena e gwau henidia, eto, Dahaka dainai o garimu? Edeheto asi emui abidadama?