Marafanna Falane 5:11-16

¹¹A xunna luxi alo xɛma kɛndɛna, a xunsɛxɛne saxi a ma, e fɔrɔ alo xaxaan xabena.

¹²A yɛɛne rayabu alo ganbane xuden dɛ. E fixa alo nɔnɔna, e mayilenma alo dayimuna.

¹³A xadene luxi alo sansi xiri ɲaxumɛ nakɔna, naxanye xiri ɲaxumɛn tema. A dɛ kidine luxi alo gabala fugene mirihi latikɔnɔnna minima dɛnaxan yi.

¹⁴A yiine rayabu alo yiiraso xɛma daxin naxanye rayabuxi kirisoliti gɛmɛ faɲine ra. A fatin luxi alo sama ɲin xuruxina safiri gɛmɛ faɲin saxin naxan ma.

¹⁵A sanne luxi nɛn alo sɛnbɛtɛn gɛmɛ fixɛ daxin naxanye tixi xɛma faɲin fari. A tofan alo Liban yamanana, a tixi alo sumanna.

¹⁶Ɲaxunna nan tun a dɛ, a fatin birin nayabu. N xanuntenna na kii nin, n fɔxɔrabiran na kii nin, ɛ tan Yerusalɛn sungutunne.