Marafanna Falane 4:1-9

¹I rayabu, n nafan ɲaxanla, i rayabu. I yɛɛne rayabu alo ganbane hali dugin soxi i yɛtagin xun na. I xun sɛxɛn saxi a ma alo sii kurun nɛma godɛ Galadi geyaan ma.

²I ɲinne fixa alo yɛxɛɛ kurun naxan xabe baxi maxabadeni naxanye kelima e maxadeni. E lanxi e boden ma firin firin yɛɛn ma alo gulunne, e keden pe mi baxi.

³I dɛ kidine luxi alo luti gbeela, i dɛɛn tofan han! I xaden nayabu alo girenada wudi bogini xabaxina a tagi hali dugin bata so i yɛtagin xun na.

⁴I kɔɛɛn maxidixi alo Dawudaa sangansona, sofane yɛngɛ so wure lefa wuli kedenna singanxi naxan na alo ɲɛrɛna i kɔɛ ra.

⁵I xiɲɛ firinne rayabu alo bolen dii gulun firinne, naxanye e dɛgema sansi fugaxine tagi.

⁶N sigama nɛn na mirihi latikɔnɔnna nun wusulanna yireni han kuye yiba, dimin yi siga.

⁷N xanuntenna, i rayabu, fɛ yo mi i ra.

⁸N ma ɲaxalandi masuxina, fa n fɔxɔ ra keli Liban yamanani Amana geyaan xuntagi, Xerimon geyaan nun Seniri geyaan xuntagi, yatane xiin dɛnaxan yi, burunna ɲarine geyane.

⁹I n bɔɲɛn nadinma, i tan sungutunna, n ma ɲaxalan masuxina, i na i yɛɛn ti n na keden pe i n bɔɲɛn nadinma nɛn. Hali i ya ɲɛrɛn xɔri keden pe, a na ligɛ n na.