Marafanna Falane 3:6-11

⁶Nde ito ra naxan kelima tonbonni, naxan tema alo tutina, alo mirihi nun wusulanna xirina, e nun latikɔnɔnna xiri ɲaxumɛn sifan birin?

⁷Sulemani maxali saden nan a ra, sofa tonge sennin a rabilinxi, Isirayila sofa kɛndɛne nan e birin na.

⁸Silanfanna e birin yii e birin darixi yɛngɛn na. Silanfanna xidixi e birin tagi, alogo e xa makantanna ti kɔɛɛn na.

⁹Manga Sulemani a saden nafalaxi Liban yamanan wudine nan na.

¹⁰A bun tiine rafalaxi wure gbetin nan na, xɛmaan nan a bundɔxɔn na. Yerusalɛn sungutunne a dɔxɔ seen nafalaxi dugi mamiloxin nan na xanuntenyani.

¹¹Ɛ mini, Siyon taan sungutunne, ɛ Manga Sulemani nun a manga kɔmɔtin mato a nga naxan soxi a xun na a ɲaxalandin mati lɔxɔni, a bɔɲɛn sɛwa lɔxɔna.