Marafanna Falane 3:1-8

¹N nɛma saxi n ma saden ma kɔɛɛn na, n kataxi n xanuntenna to feen na, n na a fenma, koni n mi a toma.

²Nayi, n kelima nɛn, n yi taan nabilin, n yi siga taan yama malandene nun kirane xɔn, n yi n bɔɲɛn nafan muxun fen. N na a fenma, koni n mi a toma.

³Taan kantan muxune yi fa n li, n yi e maxɔdin, n naxa, “Ɛ mi n bɔɲɛn nafan muxun toxi ba?”

⁴N dangu e ra nɛn tun, n yi n bɔɲɛn nafan muxun to, n yi a suxu, n mi fa a beɲin sɔnɔn, han n yi sa a raso ngaa banxini, nga fudi tongo n na dɛnaxan yi.

⁵Yerusalɛn sungutunne, n bata ɛ rakɔlɔ bolene nun burunna xɛnle yi, ɛ nama xanuntenyaan nakeli, ɛ nama a raxulun, benun a waxatin xa a li.

⁶Nde ito ra naxan kelima tonbonni, naxan tema alo tutina, alo mirihi nun wusulanna xirina, e nun latikɔnɔnna xiri ɲaxumɛn sifan birin?

⁷Sulemani maxali saden nan a ra, sofa tonge sennin a rabilinxi, Isirayila sofa kɛndɛne nan e birin na.

⁸Silanfanna e birin yii e birin darixi yɛngɛn na. Silanfanna xidixi e birin tagi, alogo e xa makantanna ti kɔɛɛn na.