Marafanna Falane 1:1-9

¹Sulemani a sigi fisamantenna.

²N sunbu marafan sunbuni! Amasɔtɔ i ya xanuntenyaan ɲaxun dangu manpaan na.

³I ya latikɔnɔnna xirin ɲaxun. I xinla luxi nɛn alo latikɔnɔnna naxan xiri sigama ayi. Nanara, i rafan sungutunne ma.

⁴N suxu n yiin ma! En na en gi! Mangan bata n xali a konni. Nxu ɲaxanma, nxu sɛwa i ya fe ra, nxu i ya xanuntenyaan matɔxɔma nɛn dangu manpaan na. Yoon sungutunne xa, i rafan e ma!

⁵Yerusalɛn sungutunne, n fatin nan gbeelixi, koni n nayabu alo Kedari kaane bubu fɔrɛne, alo Sulemani a dugin naxanye singanxi a banxini.

⁶Koni, i nama n mato, n to gbeelixi. Sogen nan n fatin gbeelixi. Ngaa dii xɛmɛne nan xɔlɔxi n ma, e yi n findi manpa bili nakɔ kantanna ra. Koni n mi n yengi luxi n yɛtɛna nakɔɔn xɔn.

⁷A fala n xa, i tan naxan nafan n ma n bɔɲɛni, i fa i ya xuruse kurun nabama dɛnaxan yi, hanma i e luma dɛnaxan yi yanyi tagini alogo n nama lu i fenɲɛ na xun xɔn alo ɲaxalan kobina i xɔyine xuruse kurune dɛnaxan yi.

⁸Xa i mi na kolon, i tan naxan tofan ɲaxanle birin xa, siga i ya sii diine rabɛ yɛxɛɛ kurune funfun xɔn, xuruse kantanne bubune dɛxɔn.

⁹N nafan ɲaxanla, i luxi nɛn n yɛɛ ra yi alo soo gilɛ faɲin naxanye Misiran mangana yɛngɛ so wontoron bandunma.