Maol Amom Aposeli 23:1-4

¹Pol natiti amom Juda dembami mugumafi koti dindinip eaꞌ naꞌi, “Ipaꞌ sahope, aeꞌ afeꞌ naep Godi, eaꞌ okom aeꞌami andeandeꞌma feꞌ aeꞌani ma nogohnaep Godi, afiꞌi ataga deiꞌ. Malogol gagape opaf aeꞌ nomoni ina gihimbaꞌme anef waf awafi aeꞌ andaꞌafi, owaꞌ.”

²Anen naꞌias naꞌamba owaꞌ, pris dembinai Ananaias nape nagaliꞌma pris hiamii naꞌipa amom amam magalutumana felefeleꞌi ma mogopagaha malogol ananigili.

³Eaꞌ Pol naꞌipana naꞌi, “Inaꞌ aman aunai siꞌi anom indalelemb awami sandaꞌ pen buꞌwani afitini sagandisam andoꞌ atogini. Atiasi God aꞌ nehena. Inaꞌ nape naꞌa naila muꞌuli inimba Godi ma nandaꞌ kotima aeꞌ, eaꞌ inaꞌ atina nesambala muꞌuli inimba ma deiꞌ naꞌipam mogahe!”

⁴Eaꞌ amom magalutu felefeleꞌi maꞌipana maꞌi, “Inaꞌ naꞌi basef findiwaefa aman pris dembinai Godi.”