Malasu 7:16-26

¹⁶Na da hedolowane midunusa: diaheda:su ida:iwane hahamoi dagoi amo dedebosu abula ida:iwane gala amo da na Idibidi soge amoga gaguli misi.

¹⁷Na da amo ganodini manoma ida:iwane gala amo me, a:lou, sinamone amola amo manoma gabusiga: ida:iwane gala fafai da:iya sogadigi.

¹⁸Misa! Na amola di gilisili hedelala soge hadigimu. Ani da gilisili nonogomuba:le hahawane bagade ba:mu.

¹⁹Di da na dunuba:le mae beda:ma. E da soge sedaga asi esala.

²⁰E da su bagade gaguli asi. E da hedolo hame bu misunu. E da esala hi aduna aligimu.”

²¹Goe uda ea sefe sia: bagadewane sia:beba:le, goi ayeligi da dafai dagoi.

²²Amo dunu e da amo sia: nababeba:le, e da hedolowane amo uda fa:no bobogele diasuga asi. Fedege sia: e da bulamagau bogoma:ne fasu sogebi amoga oule ahoasu defele asi. Fedege sia: eno e da ‘dia’ ohe amo da sani sa:ima:ne hahawane ahoa amo defele asi.

²³Amo ‘dia’ ohe e da hame dawa:i ea dogo ganodini souga gala:be defele e da bogomu da hame dawa:i. Amo dunu ea hamobe da sio afae e hagili ahoanebe defele ba:i. Amo sio e da segega:i amo mae ba:le ahoabe amola sio e amo segega:i amo hame dawa:i amoga gaguli bogomu amo hame dawa:i.

²⁴Wali na gofelali, dilia na sia: noga:le nabima. Noga:le dawa:ma!

²⁵Agoaiwane uda amo ea sefe sia: mae nabima! Ema mae fa:no bobogema!

²⁶Amo uda e da dunu bagohame ilia hou wadela:lesi dagoi. Amola dunu bagohame idimu hame gala, ilia da ea hou hamobeba:le bogoi dagoi.